តារាចម្រៀង និងជាតារាសម្តែងប្រុស ដែលមានកេរ្តិ៍ឈ្មោះបោះសំលេងក្នុងប្រទេសថៃម្នាក់ គឺលោក Rattapoom Tokongsup បានអះអាងថា
រូបលោកត្រូវបានចាប់ខ្លួន និងផាកពិនិយជាប្រាក់ចំនួន 5,000 baht (
ប្រមាណ ១៥៦ ដុល្លារ) ដោយប៉ូលីសកូរ៉េខាងត្បូង
ខណៈរូបលោកកំពុងថតសម្តែងជាមួយល្បែង “ice bucket challenge”
កាលពីថ្ងៃសៅរ៍ សប្តាហ៍មុននេះ ។
សូបបញ្ជាក់ថា Rattapoom ក៏បានបង្ហោះរូបថតជាច្រើន និងវីដេអូឃ្លីបខ្លួនឯង លេងល្បែងដ៏ពេញនិយមនេះ នៅលើទំព័របណ្តាញសង្គមនានាផងដែរ ។
នៅក្នុង Clip នោះ តារារូបនេះ បាននិយាយជាភាសាថៃ មុនពេលដោះអាវ និងចាក់ទឹកកកលើខ្លួនឯង ។ បន្ទាប់មក ក៏ស្រាប់តែមានបុរសម្នាក់ស្ថិតក្នុងឯកសណ្ឋានជាប៉ូលីស បានបង្ហាញខ្លួនក្បែរតារារូបនេះ ក្នុងបំណងឃាត់ខ្លួន ។ នៅពេលនោះ Rattapoom ក៏ត្រូវបានឃើញព្យាយាមពន្យល់នូវអ្វីដែលគាត់កំពុងធ្វើ និងនិយាយប្រាប់ប៉ូលីសថា គាត់មកពីប្រទេសថៃ គឺមិនមែនមកពីតៃវ៉ាន់ នោះទេ ។
ទោះជាយ៉ាងណា សំណាងហើយ ដែលតារាប្រុសថៃរូបនេះ គ្រាន់តែត្រូវបានផាកពិន័យជាប្រាក់ជាង ១៥០ ដុល្លារ ប៉ុណ្ណោះ ។
ប្រភពមកពី ksn-news.com
សំគាល់
