នារីម្នាក់មានចិត្តធ្វើជាអ្នកស្ម័គ្រចិត្តជួយអ្នកដំណើរទិញសំបុត្ររថភ្លើង តែចរិកស្លៀកពាក់ដូចស្រាត !

ជាការពិត គឺគ្មាននរណាម្នាក់បានស្នើសុំឲ្យមានការជួយដល់ពួកគេនូវអ្វីៗ សូម្បីបន្តិចនោះឡើយ, ប៉ុន្តែ ស្រីស្រស់ម្នាក់ស្រាប់តែបង្ហាញមុខមាត់ ស្ថិតក្នុងសម្លៀកបំពាក់ប៊ីគីនីពណ៌ក្រហមកញ្ឆេកកញ្ឆោច គ្រប់ដណ្តប់កេរ្តិ៍ចែកឲ្យយ៉ាងប៉ផុតប៉ផើយ ធ្វើឲ្យអ្នកដំណើរខូចខិលមួយចំនួនហៀរទឹកមាត់ពុំខ្លួនតែម្តង ស្ថិតនៅក្នុងបរិវេណស្ថានីយរថភ្លើងក្រោមដី១កន្លែង ក្នុងទីក្រុង Guangzhou ប្រទេសចិន, ដែលគោលបំណងរបស់នាង គឺដើម្បីជួយដល់អ្នកដំណើរដោយស្ម័គ្រចិត្ត ក្នុងការទិញសំបុត្ររថភ្លើង និងស្វែងរកវិធីរបស់ពួកគេ ។

នារីនេះក្រោយមក ទើបត្រូវបានគេស្គាល់ថាមានឈ្មោះ Zhang Xiner មានអាយុ ២៤ ឆ្នាំ និងជាផ្សាយព័ត៌មានកីឡានៅលើកញ្ចក់ទូរទស្សន៍១ក្នុងប្រទេសចិន ។
នៅពេលសួរថា ហេតុអ្វីបានជានាងសម្រេចចិត្តធ្វើជា “អ្នកស្ម័គ្រចិត្ត”, Zhang ឆ្លើយតបថាៈ “ខ្ញុំចង់ឲ្យមនុស្សក្មេងៗជាច្រើនចេញមក និងធ្វើការងារជាអ្នកស្ម័គ្រចិត្ត”, ហើយនៅពេលសួរបន្តទៀតថា ប្រសិនបើនាងកំពុងធ្វើបែបនេះ គឺគ្រាន់តែដើម្បីទទួលបានភាពល្បីល្បាញ, នាងបន្ថែមថាៈ “ខ្ញុំតែងចូលចិត្តស្លៀកពាក់សិចស៊ី” ។
ជាមួយគ្នានោះដែរ មានអ្នកដំណើរជាច្រើន បានសម្តែងអារម្មណ៍មិនពេញចិត្តឡើយ ចំពោះឥរិយាបថដ៏ជ្រុលហួសហេតុរបស់នាង ។ ក្នុងនោះ អ្នកដំណើរម្នាក់បាននិយាយថាៈ “នាងពិតជាស្ទើរតែពុំស្លៀកទៅហើយ ! យើងមិនអាចបិទភ្នែករបស់យើងពីការរំខានរបស់នាងនេះបានទេ” ។ រីឯអ្នកខ្លះទៀត យល់ឃើញថា វាគ្រាន់តែជាយុទ្ធសាស្ត្រឃោសនាបំផ្លើសឡើងរបស់នារីរូបនេះ ដើម្បីទទួលបានភាពល្បីល្បាញប៉ុណ្ណោះឯង ។
ពិតណាស់ មានជនជាតិចិនមួយចំនួនដែលពេញចិត្ត និងគាំទ្រនាង, ដោយគិតថា ឥរិយាបថរបស់នាងនឹងទាក់ទាញការចាប់អារម្មណ៍ជាសាធារណៈ ចំពោះការងារស្ម័គ្រចិត្ត និងលើកកម្ពស់មនុស្សជាច្រើនទៀត ឲ្យចូលរួមក្នុងក្រុមអ្នកស្ម័គ្រចិត្ត ៕