១០នាក់ស្លាប់ ដោយសារ ការរត់ជាន់គ្នា នៅឥណ្ឌា

ម៉ុមបៃ៖ សេចក្ដីរាយការណ៍ ក្នុងស្រុកមួយ បានឲ្យដឹងថា មនុស្សចំនួន ១០នាក់បានស្លាប់ និងជាច្រើននាក់ ទៀត រងរបួស នៅព្រឹកថ្ងៃចន្ទនេះ ដោយសារការរត់ជាន់គ្នា នៅក្នុងប្រាសាទ មួយ ក្នុងស្រុកសាទតា រដ្ឋម៉េដយ៉ា ភាគ កណ្ដាលប្រទេសឥណ្ឌា។
ទីភ្នាក់ងារសារព័ត៌មានចិន ស៊ិនហួ ចេញផ្សាយថ្ងៃទី២៥ ខែសីហា ឆ្នាំ២០១៤ នេះឲ្យដឹងថា ហេតុការណ៍ រត់ជាន់ គ្នានេះបានកើតឡើង នៅម៉ោងប្រហែលជា ៦ព្រឹក ដោយអ្នកកាន់ សាសនាជាច្រើននាក់ បានប្រជ្រៀតគ្នានៅ ជុំវិញ ប្រាសាទ ក្នុងឱកាសនៃពិធីបុណ្យសាសនា ហិណ្ឌូសុំវ៉ាទី អាម៉ាវ៉ាស្យា នេះ។ ការរត់ជាន់គ្នាដែលបង្ក ឲ្យស្លាប់ចំនួន ១០នាក់ ក្នុងនោះ រួមមានស្រ្តីចំនួន ៥នាក់ ៕

ប្រភពមកពី ដើមអម្ពិល