ខឹងមិនអាចផ្សះផ្សារស្នេហាប្រេះឆាជាមួយសង្សារ បុរសម្នាក់ទាញកាំបិតប្រហារនាង ៣៤ កាំបិតរហូតស្លាប់

បុរសម្នាក់មកពីទីក្រុងតៃប៉ិ ត្រូវបានចាប់ខ្លួននៅព្រឹកថ្ងៃចន្ទ នេះ ពីបទកាប់ចាក់មិត្តស្រីរបស់ខ្លួនចំនួន ៣៤ កាំបិត រហូតស្លាប់ បន្ទាប់ពីរូបគេមិនអាចផ្សះផ្សារទំនាក់ទំនងរបស់ពួកគេដែលបានប្រេះស្រាំកន្លងមក ។ យោងតាមប្រភពព័ត៌មានពី Tencent News បានឲ្យដឹងថា Zhang Yanwen គឺជានិស្សិតបញ្ចប់ថ្នាក់បរិញ្ញាប័ត្រ មកពីសាកលវិទ្យាល័យ National Taiwan, បានទៅកាន់ផ្ទះជួលរបស់មិត្តស្រីរបស់គាត់ ក្នុងបំណងដើម្បីផ្សះផ្សារស្នេហារបស់ពួកគេ ដោយសារសង្សាររបស់គាត់បានចែកផ្លូវពីគាត់ ។ នៅគ្រានោះផងដែរ Zhang បានគំរាមប្រើប្រាស់រូបថតអាក្រាតរបស់នាង ដើម្បីហែកកេរ្តិ៍ឈ្មោះរបស់នាង, ប៉ុន្តែ ទោះជាយ៉ាងណា នាងជាសង្សារនោះនៅតែមិនយល់ព្រមឡើយ ។

ឥរិយាបថមិនយល់ស្របរបស់នាង ក៏បានធ្វើឲ្យ Zhang ក្តៅក្រហាយជាខ្លាំង និងមិនអាចទប់កំហឹងបាន ក៏ទាញកាំបិតចាក់នាងយៗចំនួន ៣៤ លើក តែម្តង ។ មិនតែប៉ុណ្ណឹង Zhang នៅបានកាត់ផ្តាច់សរសៃកនាងទៀតផង ដែលជាហេតុធ្វើឲ្យនាងស្លាប់នៅនឹងកន្លែងកើតតែម្តង ។
Zhang បានប្រាប់ប៉ូលីសថា គាត់ធ្លាប់មានទំនាក់ទំនងជាមួយអ្នកផ្សេង ២, ៣ នាក់ ប៉ុណ្ណោះ មុនពេលជួបនាង, ប៉ុន្តែ គាត់ស្រឡាញ់នាងបំផុត ហើយមិនយល់ថា ហេតុអ្វីនាងចង់បែកបាក់ពីរូបគេនោះទេ ។
បុរសរូបនេះ ត្រូវបានដកសម្តីនិយាយថាៈ “ខ្ញុំបានលះបង់សេចក្តីស្រឡាញ់ទាំងអស់របស់ខ្ញុំទៅឲ្យនាង… ហេតុដូច្នេះ បន្ទាប់មក ត្រូវទុកឲ្យពួកយើងស្លាប់ទាំងអស់” ៕