ហៅគ្រូចាប់ព្រាយក្បាល ៨ ចំគ្រូបោក ក្លាយជារឿងអំពើហិង្សា ចាប់ឪពុកចងដាក់ច្រវ៉ាក់ ដុតកូនប្រុសស្រី រងរបួសធ្ងន់ និងឲ្យកូនរុះផ្ទះចេញ នៅក្រុងបាវិត

មានរឿងហួសចិត្ត ត្បិតខ្វះចំណេះដឹង កូនប្រសារស្រវឹង គិតថា ខ្មោចព្រាយក្បាល ៨ ចូលសន្ថិត ក៏ទៅហៅគ្រូចាប់ខ្មោចព្រាយ តែប៉ះចំគ្រូបោក ក្លាយជាអំពើហិង្សាយ៉ាង ឃោរឃៅ។ គ្រូអាគមអូមអាមនោះ បានយកខ្សែក្របីចាប់ចងឪពុកស្លាបសេកដៃមកក្រោយ និងយកច្រវ៉ាក់ចាក់កជើងភ្ជាប់នឹងសរសរផ្ទះ រួចបុកផ្លែស្ពឺ និងដើមត្រាវព្រៃបញ្ច្រក រួចយកខោទ្រនាប់ (លីអូ) ចំនួន ៧ និងសារ៉ុង ៧ ដាក់គ្របពីលើក្បាល ដើម្បីបន្សាបខ្មោចព្រាយក្បាល៨។ គ្រូនោះ បានចាប់កូនប្រសារប្រុសសម្រាតខោអាវ យកភ្លើងធូបប៉ុនកដៃ អុចក្បាល ដងខ្លួន ដៃជើង ពងស្វះ និងលឹង្គរលាករលួយ ឈឺចាប់ រហូតដល់សន្លប់។ ក្នុងនោះ គ្រូខ្មែរ បានចាប់កូនស្រី ដុតភ្លើងធូបពេញដងខ្លួនទាំងមូល សន្លប់ឈឹង គួរឲ្យសង្វេកក្រៃលែង។
រឿងមិនគួរកើតនេះ បែរជាកើតឡើង កាលពីថ្ងៃទី៦ ខែកញ្ញា ឆ្នាំ២០១៤ វេលាម៉ោង ៥ ល្ងាច ស្ថិតនៅភូមិ ព្រៃផ្តៅ និងភូមិធ្លក សង្កាត់ច្រកម្ទេស ក្រុងបាវិត ខេត្តស្វាយរៀង។
ជងរងគ្រោះទី១ មានឈ្មោះ សំ វៃ ភេទ ប្រុសអាយុ ៥២ ឆ្នាំ ជាសន្តិសុខរោងចក្រ ( ជាឪពុក ) ទី២ មានឈ្មោះ សុង វន្នី ភេទស្រី អាយុ ១៩ឆ្នាំ ជាកម្មការនីរោងចក្រ (ត្រូវជាកូន) និងទី៣ មានឈ្មោះ ធន់ តឿង ភេទប្រុស អាយុ ៣២ ឆ្នាំ ជាសន្តិសុខ ( ត្រូវជាកូនប្រសារ )។
ស្ត្រីឈ្មោះ សំ សាវ៉ាន់ ត្រូវជាកូន សំ វៃ បានប្រាប់ឲ្យដឹងថា កាលពីថ្ងៃទី៦ ខែកញ្ញា ឆ្នាំ២០១៤ ប្តីរបស់គាត់ឈ្មោះ ធន់ តឿង បានមកកំដរប្អូនថ្លៃឈ្មោះ សំ ម៉ាឡៃ ឆ្លងទន្លេ ដេកអាំងភ្លើង នៅភូមិព្រៃផ្តៅ សង្កាត់ច្រកម្ទេស ក្រុងបាវិត លុះពេលល្ងាច បានហូបស្រា អស់ ១ លីត្រ គ្នា ៤ នាក់ ក្រោយមកក៏ស្រវឹងទន់ដៃទន់ជើង។ ពេលប្រពន្ធកូនមកសួរ និងរកនាំទៅផ្ទះវិញ ស្រាប់តែបុរសនោះ និយាយរវើរវាយលែងស្គាល់ប្រពន្ធកូន ស្រាប់តែមានគេប្រាប់ថា “ប្តីនាងឯង ខ្មោចចូលហើយ” ត្រូវទៅរកគ្រូបណ្តេញខ្មោចចេញ រួចហើយ ក៏ឮគេថា មានគ្រូពូកែម្នាក់ នៅផ្ទះពូញ៉ឹល នៅភូមិអង្គសាលា សង្កាត់ ព្រៃអង្គុញ ក្រុងបាវិត ពូកែណាស់ អាចមើលមនុស្សគ អាចនិយាយបាន។
ដោយនាងភ័យពេក ក៏ទៅអញ្ជើញគ្រូនោះ មកដេញខ្មោចព្រាយក្បាល ៨។ ពេលនោះ មកដល់ផ្ទះ ក៏គ្រូចូលរូបមនុស្សម្នាក់ បានប្រាប់ថា ព្រាយក្បាល៨ បានចូលសន្ថិតខ្លួនប្តីនាងឯងហើយ! គ្រូចូលសន្ថិត ហើយត្រូវតែកាប់ដើមស្វាយចោល និងដើមឈើខាងមុខផ្ទះ ហើយទល់រុះរើផ្ទះចោល បើមិនរុះរើផ្ទះទេ ប្តីត្រូវព្រោះគេមកយកជីវិត ឮដូច្នេះស្ត្រីដែលជាប្រពន្ធ ក៏ទៅផ្ទះរកមនុស្សម្នា ក្នុងមកជួយរុះរើផ្ទះ ក្រោយមកប្តីក៏ដឹងខ្លួនវិញ។
ស្រាប់តែប្អូនថ្លៃស្រីឈ្មោះ សុង វន្នី បានដួលសន្លប់ម្តង គ្រូចូលរូប បានប្រាប់ទៀតថា ខ្មោចព្រាយ បានចូលរូបប្អូនម្នាក់ទៀតហើយ រួចគ្រូបានស្រោចទឹកសូត្រមន្ត ស្រាប់ញ័រញ៉ាកសន្លប់ រួចមកឪពុកមកពីធ្វើការវិញមកដល់ស្រាប់តែគ្រូបានប្រាប់ថា បុរសជាឪពុកខ្មោចព្រាយបីសាច ក៏ឲ្យកូនៗ ចាប់ចងអស់មួយយប់មួយថ្ងៃ និងដុតធូបអុតពេញខ្លួន។ ចំណែកជនរងជាកូនប្រសារ ប្រាប់ថា “ខ្ញុំមិនមែនព្រាយខ្លោចអីទេខ្ញុំ”។
ដោយមើលឃើញទិដ្ឋភាពដូច្នេះ អ្នកស្រុកអ្នកភូមិរស់នៅជិតខាងគ្នា ប្រុងទៅប្តឹងសមត្ថកិច្ច តែគ្រូចាប់ខ្មោចព្រាយ ដឹងខ្លួន ក៏រត់បាត់ស្រមោលទៅ។ ជនរងគ្រោះ ទាំង ២ នាក់ ត្រូវបងប្អូន យកទៅព្យាបាលនៅផ្ទះរបស់ខ្លួន៕