ភ្នំពេញៈ រដ្ឋាភិបាលអូស្ដ្រាលី នឹងនាំចូលគោរស់មកកម្ពុជា
ដើម្បីសម្លាប់ទោះបីរបាយការណ៍ ថា មិនមានកន្លែងសត្តឃាតមានកម្រិតស្ដង់ដារទំនើបនៅកម្ពុជា ដែលឆ្លើយតបនឹងតម្រូវការពិធីការសុខភាពសត្វក៏ដោយ។
នេះជាកិច្ចខិតខំប្រឹងប្រែងមួយក្នុងការធ្វើពិពិធកម្មលើការ
នាំចេញសត្វគោរបស់ ប្រទេសអូស្ដ្រាលី
និងជ្រៀតចូលទៅក្នុងកំណើនយ៉ាងរហ័សរបស់តំបន់អាស៊ីអាគ្នេយ៍។
លោក Barnaby Joyce រដ្ឋមន្ដ្រីកសិកម្មអូស្ដ្រាលី បានប្រកាសកាលពីម្សិលមិញថា សត្វគោ ១០ ០០០ ក្បាលត្រូវបានយល់ព្រមសម្រាប់ការនាំចូលមកកាន់ ប្រទេសកម្ពុជា។
លោករដ្ឋមន្ដ្រី Joyce បានលើកឡើងក្នុងសេចក្ដីប្រកាសព័ត៌មានថា៖ «រដ្ឋាភិបាលហ្មត់ចត់អំពីការចូលទៅក្នុងទីផ្សារកាន់តែច្រើនសម្រាប់ ក្រុមហ៊ុនផលិតកសិកម្មរបស់យើង រួមមាន ក្រុមហ៊ុនចិញ្ចឹមគោ ដែលកំពុងធ្វើវាយ៉ាងលំបាកនៅពេលនេះដោយសារភាពរាំងស្ងួត»។
លោកថ្លែងថា៖ «នៅពេលនេះក្រុមហ៊ុននាំចេញអាចសម្លឹងមើលការអនុវត្តប្រព័ន្ធធានា ការផ្គត់ផ្គង់ចង្វាក់នាំចេញ (ESCAS) និងបង្កើតចង្វាក់ផ្គត់ផ្គង់ដែលឆ្លើយតបចំពោះតម្រូវការទាំងនោះ»។
លោក Joel Fitzgibbon រដ្ឋមន្ដ្រីកសិកម្មស្រមោលពីបក្សប្រឆាំងអូស្ត្រាលី បានកោតសរសើរដល់ការប្រកាសរបស់លោក Joyce ដោយថ្លែងថា ខ្លួនចាំតែពង្រីកពាណិជ្ជកម្មសត្វរបស់ប្រទេសនេះ ដែលបានកើនឡើងដល់កម្រិតខ្ពស់ចំនួន ៣៥០ ០០០ ក្បាលក្នុងអំឡុងត្រីមាស ទី២ នៅឆ្នាំនេះ។
ប្រព័ន្ធសវនកម្ម ESCAS របស់ ប្រទេសអូស្ដា្រលី ត្រូវបានដាក់ចេញដោយរដ្ឋាភិបាលកាលពី ឆ្នាំ២០១២ បន្ទាប់ពីការហាមឃាត់លើការនាំចេញសត្វរស់ទាំងអស់ដោយសារការ ប្រព្រឹត្តដោយឃោរឃៅលើសត្វគោអូស្ដ្រាលីនៅប្រទេសឥណ្ឌូនេស៊ី។ ស្ថិតក្រោមគោលការណ៍របស់ ESCAS ដែលត្រូវបានផ្ដល់អនុសាសន៍ដោយអង្គការសុខភាពសត្វពិភពលោក អ្នកយកសារព័ត៌មានជាច្រើនត្រូវតម្រូវឲ្យផ្ដល់ឯកសារដែលអាចតាម ដានបានដើម្បីបើកចំហក្នុងការធ្វើសវនកម្មដោយឯករាជ្យស្ដីពី ប្រតិបត្តិការចង្វាក់ផ្គត់ផ្គង់ទាំងអស់ចាប់ពីការឃុំឃាំងដល់ការ សម្លាប់។
យោងតាម ESCAS កន្លែងសត្តឃាតសត្វ និងការនាំចេញដែលត្រូវរកឃើញថា មិនមានអនាម័យ ដែលបណ្ដាលឲ្យមានតានតឹងការចាប់ផ្ដួល ការគ្រវែង ការទម្លាក់ ឬការប្រព្រឹត្តចំពោះសត្វដោយអមនុស្សធម៌នឹងត្រូវបានដាក់នៅក្រោម វិធានការកែប្រែ។
ប៉ុន្តែកន្លែងសម្លាប់សត្វរបស់កម្ពុជា គឺខុសគ្នាឆ្ងាយពីកម្រិតស្ដង់ដារ។
កាលពី ខែសីហា ឆ្នាំមុន ភ្នំពេញ ប៉ុស្ដិ៍ បានរាយការណ៍ពីកន្លែងសម្លាប់សត្វមួយរបស់ ប្រទេសកម្ពុជា ដែលត្រូវបានគេដឹងថា ជាធម្មតាទៅហើយ។ នៅពាក់កណ្ដាលអធ្រាត្រមានសត្វជ្រូកជាច្រើនក្បាលត្រូវបានគេទុក ឲ្យរង់ចាំចម្ងាយតែប៉ុន្មានម៉ែត្រពីកន្លែងព្យួរខ្មោចជ្រូកមុន ពេលត្រូវគេវាយដំហើយទីបំផុតត្រូវបានគេចាក់កយ៉ាងរហ័ស និងបានបង្ហូរឈាមចេញមកក្រៅ។
លោក ម៉ុង ឫទ្ធី ម្ចាស់ក្រុមហ៊ុន ម៉ុង ឫទ្ធី គ្រុប ដែលមានកសិដ្ឋានចិញ្ចឹមជ្រូក ចម្ការកៅស៊ូ និងចម្ការស្វាយបានថ្លែងថា កម្ពុជា មិនមានកន្លែងសម្លាប់សត្វគោ ជ្រូក ឬសត្វមាន់មួយដែលស្របតាមស្ដង់ដារអន្តរជាតិនោះទេ ហើយថា ការសម្លាប់សត្វនៅតែតាមវិធីប្រើដោយដៃ។
លោក ឫទ្ធី បានប្រាប់ ភ្នំពេញ ប៉ុស្ដិ៍ ថា៖ «នៅពេលនេះទីសត្តឃាតដែលយើងមានគឺធ្វើឡើងដោយដៃទេ។ ពាក្យថា ស្ដង់ដារមានន័យថា យើងត្រូវមានរោងចក្រស្តង់ដារ និងដំណើរការប្រកបដោយគុណភាព។ យើងមិនទាន់មានទីសត្តឃាតស្ដង់ដារនៅកម្ពុជានៅឡើយទេ»។
លោកបានលើកឡើងថា៖ «ប្រសិនបើពួកគេនឹងគ្រោងនាំចេញគោរបស់ពួកគេនៅទីនេះពួកគេចាំ បាច់ត្រូវកសាងកន្លែងសម្លាប់សត្វផងដែរ»។
លោក សែន សុវណ្ណ អគ្គនាយករងនៅក្រសួងកសិកម្មរុក្ខាប្រមាញ់ និងនេសាទកម្ពុជា បានបដិសេធធ្វើអត្ថាធិប្បាយស្ដីពីកន្លែងសម្លាប់សត្វកម្រិតស្ដង់ដារ នៅកម្ពុជានេះទេ។ ប៉ុន្តែលោកបានបន្តថា៖ «យើងស្វាគមន៍ចំពោះសំណើនេះ ហើយពិភាក្សាបើកចំហរវាងរដ្ឋាភិបាលទាំងពីរអំពីព័ត៌មានលម្អិតនៃ ពិធីការនេះ និងអ្វីដែលយើងចាំបាច់ត្រូវតែមាននិងត្រូវធ្វើដើម្បីជាការ ឆ្លើយតបតាមពួកគេ»៕
ប្រភពមកពី ksn-news.com
សំគាល់
