ស្ត្រីឥណ្ឌាអាយុ ៥៤ ឆ្នាំ ម្នាក់ បានវាយសម្លាប់ខ្លារខិន ១ ក្បាល
ដោយគ្រាន់តែប្រើប្រាស់សម្ភារៈធ្វើស្រែចម្ការរបស់គាត់ប៉ុណ្ណោះ
បន្ទាប់ពីវាបានវាយប្រហាររូបគាត់ ខណៈគាត់ធ្វើដំណើរពីស្រែទៅកាន់ផ្ទះវិញ កាលថ្ងៃអាទិត្យ ។
យោងតាមស្ត្រីកូន១រងគ្រោះ ដែលមានឈ្មោះ Kamla Devi បានឲ្យដឹងថា
ខ្លានោះវាយប្រហារគាត់ ខណៈគាត់កំពុងដើរត្រលប់ទៅផ្ទះ
បន្ទាប់ពីបញ្ចប់ការងារនៅឯស្រែ, ហើយអ្នកស្រីបានប្រយុទ្ធជាមួយវា
ដោយប្រើប្រាស់កាំបិត និងចបជិក ប៉ុណ្ណោះ ។ ស្ត្រីរងគ្រោះបានបន្តថា
ការវាយប្រយុទ្ធបានប្រើរយៈពេលប្រមាណ ១ ម៉ោង
ទើបធ្វើឲ្យខ្លានោះចុះចាញ់, ហើយបន្ទាប់មក
អ្នកស្រីបានដើរជាងកន្លះម៉ៃល៍ ដើម្បីស្វែងរកការជួយសង្គ្រោះ ។
ទោះជាយ៉ាងណា ជាលទ្ធផល គឺអ្នកស្រីបានរងរបួសដាច់ជ្រៅៗនៅលើរាងកាយ
និងបាក់ឆ្អឹងបី, ហើយបាត់បង់ឈាមយ៉ាងច្រើន នៅពេលមកដល់មន្ទីរពេទ្យ ។
យ៉ាងណាមិញ សត្វនេះក្រោយមក
ក៏ត្រូវបានគេរកឃើញងាប់នៅក្បែរភូមិអ្នកស្រី Devi ផងដែរ គឺភូមិ Koti
Bodna ស្ថិតក្នុងតំបន់ Rudarprayag ប្រទេសឥណ្ឌា ។
ស្ត្រីមេម៉ាយរូបនេះ បានប្រាប់សារព័ត៌មានក្នុងស្រុកថា
រូបគាត់បានចង់ចាំការប្រយុទ្ធជាមួយសត្វកំណាចនេះទាំងស្រុង ហើយដឹងថា
វាមានរយៈពេលប៉ុន្មានទៀតផង ។ ចំណែកគ្រូពេទ្យបាននិយាយថា
ទោះបីជាអ្នកស្រីស្ថិតក្នុងអាការប្រក្រតីក៏ដោយ
តែអ្នកស្រីត្រូវតែដេរមុខរបួសជាង ១០០ ថ្នេរ,
ដែលបានដាច់ជ្រៅៗនៅលើក្បាល និងជើង ។
អ្នកស្រីក៏ត្រូវព្យាបាលសម្រាប់ការបាក់ឆ្អឹងចំនួនពីរ នៅលើដៃស្តាំ
និងដៃធ្វេង ផងដែរ ៕
ប្រភពមកពី ksn-news.com
សំគាល់
